கீழப்பாளையம் திரவுபதி அம்மன் கோவிலில் தீ மிதி திருவிழா

பின்னர் தினசரி அம்மனுக்கு சிறப்பு பூஜைகள் நடைபெற்று, சிறப்பு அலங்காரத்தில் அம்மன் வீதிஉலா நிகழ்ச்சி நடந்தது. கடந்த 19-ந்தேதி மாலை 5 மணிக்கு பனிப்பெண் பூவெடுக்கும் நிகழ்ச்சியும், 20-ந்தேதி மாலை பக்ஹாசூரனுக்கு அன்னமிடுதல் நிகழ்ச்சியும், 21-ந்தேதி அர்ச்சுனர்க்கும், திரவுபதி அம்மனுக்கும் திருக்கல்யாணம் நடைபெற்றது.

விழாவில் நேற்று முன்தினம் காலை அர்ச்சுனர் வில்வளைத்தல் நிகழ்ச்சி நடந்தது. பின்னர் மதியம் 2 மணிக்கு அரவான் களப்பலி கொடுத்தல் நிகழ்ச்சியும் நடந்தது.

பின்னர் மாலை 7 மணிக்கு தீமிதி திருவிழா நடந்தது. இதையொட்டி அங்கு அமைக்கப்பட்டு இருந்த தீ குண்டபத்தில் ஆயிரத்துக்கும் மேற்பட்ட பக்தர்கள் தீ மிதித்து நேர்த்திக்கடன் செலுத்தினர்.

விழாவில் நேற்று மஞ்சள் நீராட்டு நடந்தது. இன்று(ஞாயிற்றுக்கிழமை ) மாலை 6 மணிக்கு தர்மர் பட்டாபிஷேகமும் நடைபெறுகிறது. விழாவுக்கான ஏற்பாடுகளை கீழப்பாளையம் கிராம பொதுமக்கள், விழாக்குழுவினர் செய்து வருகின்றனர்.