ரூ.29 லட்சம் கடத்தல் தங்கத்துடன் 4 பேர் கைது

மும்பை பன்னாட்டு விமான நிலையத்திற்கு சம்பவத்தன்று சவுதி அரேபியாவில் இருந்து விமானம் ஒன்று தறையிறங்கியது. இந்த விமானத்தில் வந்த பயணிகளை பாதுகாப்பு படை பிரிவினர் சோதித்து அனுப்பி கொண்டு இருந்தனர். அப்போது 4 பயணிகளின் நடவடிக்கையில் அங்கு இருந்த சுங்க அதிகாரிகளுக்கு சந்தேகம் ஏற்பட்டது. இதையடுத்து அதிகாரிகள் அந்த பயணிகளை தனி அறைக்கு அழைத்து சென்று சோதனை போட்டனர். இந்த சோதனையில் அவர்கள் ஆடை, பேனா மூடியில் மறைத்து வைத்து தங்கத்தை கடத்தி வந்தது கண்டுபிடிக்கப்பட்டது. அவர்களிடம் இருந்து அதிகாரிகள் ரூ.29 லட்சம் மதிப்பிலான 927 கிராம் தங்கத்தை பறிமுதல் செய்தனர்.