பழங்களில் அதிக அளவு கலோரிகள் இருக்கும்; கொழுப்பு இருக்காது. உடல் எடையைக் குறைக்க விரும்புபவர்கள் வாரத்தில் மூன்று நாட்களுக்கு, இங்கே குறிப்பிடப்பட்ட பழங்களை சாலட் ஆக தயாரித்து சாப்பிடலாம்.

நமது தட்பவெப்ப நிலையில், எளிதாக கிடைக்கும் நாட்டு ஆரஞ்சு, கொய்யா, பப்பாளி ஆகிய மூன்று பழங்களிலும் வைட்டமின் ஏ, வைட்டமின் சி நிறைந்துள்ளது. மேலும் இவற்றில் நார்ச்சத்து அதிகமாக இருக்கிறது. நீரிழிவு நோயாளிகளும், இந்தப் பழங்களை சாலட் ஆக தயாரித்து சாப்பிடலாம்.

தர்பூசணி இயற்கையாகவே கொழுப்பைக் கரைக்கும் தன்மை கொண்டது. கோடையில் இதனை தவறாமல் சாப்பிட வேண்டும். இதில் கிளைசெமிக் அளவு அதிகமாக இருப்பதால் நீரிழிவு நோயாளிகள் குறைந்த அளவு சாப்பிடுவது நல்லது.

வாழைப்பழத்திற்கு பசி உணர்வை கட்டுப்படுத்தும் ஆற்றல் உள்ளது. அதன் காரணமாகவே விரத நாட்களில் வாழைப்பழம் சாப்பிட்டாலே போதும் என முன்னோர்கள் கூறினார்கள். எனவே வாழைப்பழத்தை சாலட்டுகளில் சேர்த்துக்கொண்டால் உடல் எடை சுலபமாகக் குறையும்.

அன்னாசிப்பழத்தை தொடர்ந்து சாப்பிடும்போது அதில் உள்ள ப்ரோமிலைன்' என்ற வேதிப்பொருள் உடல் எடையைக் குறைக்க உதவும். உடலில் உள்ள நச்சுத்தன்மை கொண்ட பொருட்களை வெளியேற்றி, உடலை தூய்மைப்படுத்தக்கூடிய சக்தி பழங்களுக்கு உள்ளது.

எண்ணெய்யில் வறுத்த, பொறித்த பண்டங்கள் மற்றும் துரித உணவு வகைகளை தவிர்த்து, மேற்கூறிய பழங்கள் நிறைந்த சாலட் கலவையை சாப்பிடுங்கள். இதன் மூலம் உடல் எடையை எளிதாக குறைக்கலாம்.