முழு ஊரடங்கு எதிரொலியாக கரூர் மாவட்டத்தில் அனைத்து கடைகளும் அடைப்பு

தமிழகத்தில் கொரோனா 2-வது அலை வேகமாக பரவி வருகிற நிலையில் தடுப்பு நடவடிக்கையாக நேற்று முதல் வருகிற 31-ந் தேதி வரை முழு ஊரடங்கு அமல்படுத்தப்பட்டுள்ளது. அதன்படி கரூர் மாவட்டத்தில் நேற்று முழு ஊரடங்கு அமலானது. கரூர் ஜவகர்பஜார், காந்திகிராமம், வெங்கமேடு, தாந்தோணிமலை பசுபதிபாளையம் உள்ளிட்ட பகுதிகளில் உள்ள அனைத்து நகைகடைகள் துணி கடைகள், பாத்திரகடைகள், வணிக நிறுவனங்கள், ஓட்டல்கள் என அனைத்து கடைகளும் அடைக்கப்பட்டு இருந்தது. மெடிக்கல், மருத்துவமனை, பெட்ரோல் விற்பனை நிலையங்கள் மட்டும் திறந்திருந்தன. பஸ்கள், லாரிகள், ஆட்டோக்கள், வாடகைகார்கள் எதுவும் இயங்கவில்லை.