புதுவை மாநில பா.ஜ.க. மற்றும் லே புதுச்சேரி ஆக்கி அமைப்பு சார்பில் லாஸ்பேட்டை உள்விளையாட்டு அரங்கில் நமோ ஆக்கி போட்டிகள் நடந்து வருகின்றன. நேற்று கால் இறுதி போட்டிகள் நடந்தன. பெங்களூரு எம்.ஆர்.ஜி. அணியும், பிரண்ட்ஸ் ஆக்கி கிளப் அணியும் மோதிய போட்டியில் 10-3 என்ற கோல் கணக்கில் பெங்களூரு எம்.ஆர்.ஜி. அணி வெற்றிபெற்றது. சென்னை இந்தியன் வங்கி அணி கேரள அணியை 3-1 என்ற கோல் கணக்கில் வீழ்த்தியது. சென்னை ஜி.எஸ்.டி. கஸ்டம்ஸ் அணி, நமோ ஆக்கி கிளப் அணியை 5-4 என்ற கோல் கணக்கில் வெற்றிகொண்டது. எஸ்.ஆர்.எம்.பல்கலைக்கழக அணி, அர்ஜூன் ஆக்கி கிளப் அணியை 4-0 என்ற கோல் கணக்கில் தோற்கடித்தது. வெற்றிபெற்ற அணிகள் அரையிறுதிக்கு தகுதிபெற்றுள்ளன. அரையிறுதி, இறுதி போட்டிகள் இன்று (ஞாயிற்றுக்கிழமை) நடத்தப்பட்டு பரிசுகள் வழங்கப்பட உள்ளது.