குடிமங்கலத்தில் பொதுமக்கள் நடமாட்டம் ஆளில்லா விமானம் மூலம் கண்காணிப்பு

தமிழகத்தில் கொரோனா பரவல் இரண்டாவது அலைவேகமாக பரவி வருகிறது. கொரோனா பரவலை கட்டுப்படுத்த அரசு பல்வேறு நடவடிக்கைகளை எடுத்து வருகிறது. தமிழகத்தில் முழு ஊரடங்கு அமல் படுத்தப்பட்டுள்ளது. அத்தியாவசிய தேவைகளுக்கு மட்டுமே பொது மக்கள் வெளியில் நடமாட அனுமதிக்கப்பட்டுள்ளனர். முழு ஊரடங்கு அமலில் உள்ள போதும் அதையும் மீறி வெளியில் நடமாடும் மக்களின் எண்ணிக்கையும் அதிகரித்து கொண்டு வருகிறது. மாவட்டங்களுக்கு உள்ளேயும் இ-பாஸ் அமல்படுத்தப்பட்டுள்ளது.