புதுவை வைத்திக்குப்பம் ஸ்ரீமுத்தாலம்மன் மற்றும் மாரியம்மன்கோவில் 40-ம் ஆண்டு பிரமோற்சவ விழா கடந்த 23-ந்தேதி தொடங்கி நடந்து வருகிறது. விழாவின் முக்கிய நிகழ்ச்சியான தேரோட்டம் இன்று நடந்தது. விழாவில் அமைச்சர் லட்சுமிநாராயணன் கலந்துகொண்டு தேரோட்டத்தை தொடங்கி வைத்தார். தொடர்ந்து அம்மன் வீதியுலா நடந்தது. விழாவில் நாளை (சனிக்கிழமை) இரவு 7 மணிக்கு முத்துப்பல்லக்கில் அம்மன் வீதிஉலாவும், நாளை மறுநாள் (ஞாயிற்றுக்கிழமை) இரவு 9 மணிக்கு மஞ்சள் நீராட்டு நிகழ்ச்சியும் நடக்கிறது. இதற்கான ஏற்பாடுகளை கோவில் நிர்வாக குழுவினர் செய்துள்ளனர்.