தர்மபுரி மாவட்ட அம்மா மக்கள் முன்னேற்ற கழகம் சார்பில் அண்ணா நினைவு தினம் அனுசரிக்கப்பட்டது. இதையொட்டி தர்மபுரி பெரியார் சிலையில் இருந்து மாவட்ட செயலாளர் டி.கே.ராஜேந்திரன் தலைமையில், எம்.ஜி.ஆர். இளைஞரணி மாநில இணை செயலாளர் ஆர்.ஆர்.முருகன் உள்ளிட்ட கட்சி நிர்வாகிகள் ஊர்வலமாக சென்று 4ரோட்டில் உள்ள அண்ணா சிலைக்கு மாலை அணிவித்து அஞ்சலி செலுத்தினார்கள். மாநில நிர்வாகிகள் பாலு, அசோக்குமார், நகர செயலாளர் மணிவண்ணன், மாவட்ட துணைசெயலாளர் ஏகநாதன், ஒன்றிய செயலாளர்கள் பாஸ்கர், பெரியசாமி, நகர பேரவை செயலாளர் பெருமாள், பேரவை மாவட்ட செயலாளர் தென்னரசு உள்பட அணியின் நிர்வாகிகள், தொண்டர்கள் திரளாக கலந்து கொண்டனர்.

இதே போன்று தர்மபுரி மாவட்ட திராவிடர் கழகம் சார்பில் மாவட்ட தலைவர் இளமாதன் தலைமையிலும், ம.தி.மு.க. சார்பில் மாவட்ட துணை செயலாளர் சிவலிங்கம், நகர செயலாளர் வஜ்ஜிரவேல் ஆகியோரது தலைமையிலும் நிர்வாகிகள் அண்ணா சிலைக்கு மாலை அணிவித்து அஞ்சலி செலுத்தினர். இதே போல் பல்வேறு கட்சிகள், அமைப்புகள் சார்பிலும் அண்ணா சிலைக்கு மாலை அணிவித்து அஞ்சலி செலுத்தப்பட்டது.