பொள்ளாச்சி சம்பவத்தில் காவல்துறை எப்படி நடந்து கொண்டது என்பது மக்களுக்கு தெரியும். அ.தி.மு.க.வை சேர்ந்தவர்கள் குற்றவாளிகளாக இருப்பதால், அரசு இதில் நடவடிக்கை எடுக்கவில்லை. தமிழகத்தில் பெண்களுக்கு பாதுகாப்பு இல்லாத சூழல் உள்ளது. வருமான வரித்துறை, அமலாக்கத்துறை, சி.பி.ஐ. போன்றவை தன்னாட்சி அதிகாரம் கொண்டவை. பா.ஜ.க. இவற்றை தேர்தல் லாபத்திற்காக பயன்படுத்துகின்றது.

எப்போது எந்த மாநிலத்தில் தேர்தல் வந்தாலும், அந்த மாநிலத்தின் எதிர்க்கட்சிகள் மீது சோதனை நடத்துவதை பா.ஜ.க. வாடிக்கையாக கொண்டு உள்ளது. தேர்தல் ஆணையம் தேவையானவர்களுக்கு சின்னம் கொடுக்கிறார்கள். ஆனால் எதிர்கட்சியாளர்களுக்கு கேட்கும் சின்னம் கொடுப்பதில்லை. தேர்தல் ஆணையத்தை கூட பா.ஜ.க. மிரட்டுகிறது. அனைத்துத்துறை அதிகாரிகளை, நேர்மையானவர்களை மிரட்டுகிறார்கள். இதனால் நேர்மையான அதிகாரிகள் பலர் தொடர்ந்து பதவி விலகி வருகிறார்கள்.

இவ்வாறு அவர் கூறினார்.

இதில், தலைமை கழக பேச்சாளர் தமிழ் மன்னன், ராசிபுரம் ஒன்றிய செயலாளர் ஜெகநாதன், நாமக்கல் கிழக்கு மாவட்ட தி.மு.க. இளைஞர் அணி ஒன்றிய, நகர அமைப்பாளர்கள், துணை அமைப்பாளர்கள் கலந்து கொண்டனர்.

இதேபோல் நாமக்கல் நாடாளுமன்ற தி.மு.க. கூட்டணி வேட்பாளர் ஏ.கே.பி.சின்ராஜை ஆதரித்து பேச்சாளர் நாஞ்சில் சம்பத் நாமக்கல், ராசிபுரம், திருச்செங்கோடு உள்ளிட்ட இடங்களில் தேர்தல் பிரசாரம் செய்தார். இதற்கிடையே நேற்று வேட்பாளர் சின்ராஜ் சங்ககிரி சட்டமன்ற தொகுதிக்கு உட்பட்ட பகுதிகளில் வாக்கு சேகரித்தார்.