வேளாங்கண்ணி,

தூத்துக்குடியில் ஸ்டெர்லைட் ஆலைக்கு எதிரான போராட்டத்தில் துப்பாக்கி சூட்டில் 11 பேர் பலியானதை கண்டித்து வேளாங்கண்ணி அருகே மேலப்பிடாகை கடைத்தெருவில் நாகை - திருத்துறைப்பூண்டி மார்க்சிஸ்ட் கம்யூனிஸ்டு கட்சியினர் சாலை மறியலில் ஈடுபட்டனர். போராட்டத்துக்கு முன்னாள் சட்டமன்ற உறுப்பினர் மாரிமுத்து தலைமை தாங்கினார். ஒன்றிய செயலாளர்கள் முருகையன், விவசாய தொழிலாளர் சங்க ஒன்றிய செயலாளர் சித்தார்த்தன் ஆகியோர் முன்னிலை வகித்தனர். இதில் மாற்றுத்திறனாளி சங்க ஒன்றிய செயலாளர் பன்னீர் செல்வம், விவசாய சங்க ஒன்றிய செயலாளர் கிருஷ்ணன், விவசாய சங்க மாவட்ட குழு உறுப்பினர் பால்சாமி, கிளை செயலாளர் ராமலிங்கம் உள்பட பலர் கலந்துகொண்டனர்.

20 பேர் கைது

தூத்துக்குடி ஸ்டெர்லைட் ஆலைக்கு எதிராக போராடிவர்கள் மீது துப்பாக்கி சூடு நடத்திய காவல்துறையை கண்டித்து மறியலில் ஈடுபட்டவர்கள் கோஷங்களை எழுப்பினர். அப்போது சாலைமறியலில் ஈடுபட்ட 20 பேரை கீழையூர் போலீசார் கைது செய்தனர். இந்த சாலை மறியல் போராட்டம் காரணமாக நாகை - திருத்துறைப்பூண்டி சாலையில் மணி நேரம் போக்குவரத்து பாதிக்கப்பட்டது.