தமிழகம் முழுவதும் முழு ஊரடங்கு அமலில் இருந்தும், அதனை மதிக்காமல் பொதுமக்கள் வழக்கம் போல் வெளியில் சுற்றித் திரிகிறார்கள். இதனால் நோய் தடுப்பு தொடர்பாக மாவட்ட நிர்வாகம் எடுக்கும் முயற்சிகள் அனைத்தும் வீணாகி விடுகிறது.

15 பேர் பலி

நேற்று ஒரே நாளில் மட்டும் மாவட்டம் முழுவதும் கொரோனா தொற்றால் 719 பேர் கொரோனாவால் பாதிக்கப்பட்டுள்ளனர். மேலும் அரசு மற்றும் தனியார் மருத்துவமனைகளில் 3,381 பேர் சிகிச்சை பெற்று வருகின்றனர்.

கொரோனா தொற்றின் காரணமாக நேற்று ஒரே நாளில் கொரோனாவுக்கு 15 பேர் பலியாகி உள்ளனர். ஒரேநாளில் 15 பேர் இறந்திருக்கும் சம்பவம் பொதுமக்கள் மத்தியில் அதிர்ச்சியை ஏற்படுத்தியுள்ளது.