இந்த இரட்டை கொலை வழக்கில் அகஸ்தீஸ்வரம் சாமிகோவில் தெருவை சேர்ந்த பாகீஸ்வரன் (21), உச்சினிமாகாளி காவில் தெருவை சேர்ந்த முத்துகுமார்(22) நடுத்தெருவை சேர்ந்த ராஜேஸ்வரன்(27) ஆகிய 3 பேரையும் தனிப்படை போலீசார் கைது செய்தனர்.

குண்டர் சட்டத்தில் கைது

3 பேர் மீதும் கஞ்சா வழக்குகளும் இருந்தன. அவர்களை குண்டர் சட்டத்தில் கைது செய்ய மாவட்ட போலீஸ் சூப்பிரண்டு பத்ரி நாராயணன், கலெக்டர் அரவிந்துக்கு பரிந்துரை செய்தார்.

அதனை ஏற்று பாகீஸ்வரன், முத்துகுமார், ராஜஸ்வரன்ஆகிய 3 பேர்களையும் குண்டர் சட்டத்தில் கைது செய்ய கலெக்டர் உத்தரவிட்டார். அதன்பேரில் 3 பேரும் குண்டர் சட்டத்தில் கைது செய்து நெல்லை பாளையங்கோட்டை சிறையில் அடைக்கப்பட்டனர்.

இதன்மூலம் கடந்த 8 மாதங்களில் குமரி மாவட்டத்தில் குண்டர் சட்டத்தின் கீழ் 32 பேர் கைது செய்யப்பட்டுள்ளனர் என்பது குறிப்பிடத்தக்கது.