பால்கர் மாவட்டம் மோக்டா அருகே அம்லே கிராமத்தை சேர்ந்தவர் மணிஷா (வயது25) . இவர் 7 மாத கர்ப்பமாக இருந்தார். சம்பவத்தன்று திடீரென பிரசவ வலி ஏற்பட்டது. இதனால் அவரது கணவர் சானியா ஆஸ்பத்திரிக்கு அழைத்து செல்ல ஆம்புலன்சை தொடர்பு கொண்டு வரும்படி அழைப்பு விடுத்தார்.

ஆனால் வெகுநேரமாக ஆம்புலன்சு வராததால் சானியா உள்பட 4 பேர் சேர்ந்து போர்வையில் மணிஷாவை தூக்கி கொண்டு 3 கி.மீ தூரம் வரையில் வாடா சாலை வரையில் நடந்து வந்தனர். இதில் மணிஷாவிற்கு உடல் நலம் மோசமானது. வரும் வழியில் வந்த ஒரு ஆம்புலன்சை கண்டு வழிமறித்தனர்.