தர்மபுரி-சேலம் மாவட்ட எல்லை: சாலையில் மீண்டும் போக்குவரத்துக்கு அனுமதி; போலீசார் தீவிர கண்காணிப்பு

சுற்றுவட்டார கிராமங்களை சேர்ந்தவர்கள் ஆதார் உள்ளிட்ட அடையாள அட்டையை காண்பித்து விட்டு எப்போது வேண்டுமானாலும் ராமமூர்த்திநகர் சாலை வழியாக தங்கள் அத்தியாவசிய தேவைகளுக்காக பொம்மிடி மற்றும் தர்மபுரிக்கு சென்று வரலாம் என்றும் அப்போது அதிகாரிகள் தரப்பில் தெரிவிக்கப்பட்டது. இந்த நிலையில் தற்காலிகமாக வாகன போக்குவரத்து தடைசெய்யப்பட்ட அந்த சாலையில் தோண்டப்பட்ட பள்ளம் திடீரென மூடப்பட்டது. அங்கு தடுப்புகள் அமைத்து போலீஸ் கண்காணிப்பு போடப்பட்டது.

இதைத்தொடர்ந்து நேற்று முதல் சுற்றுவட்டார கிராமங்களை சேர்ந்தவர்கள் அத்தியாவசிய தேவைக்காக அந்த சாலை வழியாக மீண்டும் போக்குவரத்திற்கு அனுமதி வழங்கப்பட்டது. அந்தசாலையில் சென்றவர்களிடம் அடையாள அட்டைகள் கேட்கப்பட்டு பரிசோதிக்கப்பட்டன. அடையாள அட்டைகளை காண்பித்தவர்களை மட்டும் போலீசார் உரிய விசாரணைக்கு பின் அந்த சாலை வழியாக சென்று வர அனுமதித்தனர். அந்த பகுதியில் போலீசார் தீவிர கண்காணிப்பு பணியில் ஈடுபட்டுள்ளனர்.