எவர்சில்வர் பட்டறை தொழிலாளர்கள் போராட்டம்

இந்நிலையில் பல ஆண்டுகளாக எவர்சில்வர் பாத்திரங்களை தயாரிக்கும் தொழிலாளர்கள் கூலி உயர்வு கிடைக்காமல் கடும் நெருக்கடியில் இருந்து வந்ததால் தொடர் வேலை நிறுத்த போராட்டம் நடத்த போவதாக அறிவித்து காரைக்குடி நகர் முழுவதும் கண்டன சுவரொட்டிகள் ஒட்டினர். இதையடுத்து கடந்த 20-ந்தேதி முதல் மத்திய அரசிற்கு பல்வேறு கோரிக்கைகளை வலியுறுத்தி தொடர்ந்து வேலை நிறுத்த போராட்டத்தில் ஈடுபட்டு காரைக்குடி பருப்பூரணி கோவில் கரையில் தர்ணா போராட்டம் நடத்தி வருகின்றனர். இந்நிலையில் 5-வது நாளாக நேற்று போராட்டத்தில் ஈடுபட்ட தொழிலாளர்கள் அங்கு தரையில் படுத்து தூங்கும் போராட்டத்தில் ஈடுபட்டு வருகின்றனர். மேலும் கடந்த 5 நாட்களாக தொடர்ந்து போராட்டத்தில் ஈடுபட்டு வரும் அவர்களை இதுவரை சம்பந்தப்பட்டவர்கள் சந்தித்து கோரிக்கைகளை ஏற்கவில்லை எனவும் தெரிவித்தனர்.