இதையடுத்து பெற்றோர், சிறுமியை கலபுரகி அரசு ஆஸ்பத்திரியில் சேர்த்தனர். அங்கு டாக்டர்கள் பரிசோதித்த போது தான் சிறுமி கூட்டு பலாத்காரத்திற்கு ஆளாக்கப்பட்டு இருந்தது தெரியவந்தது. இதைகேட்டு சிறுமியின் பெற்றோர் அதிர்ச்சி அடைந்தனர். சம்பவம் பற்றி பெற்றோர், கலபுரகி பல்கலைக்கழக போலீசில் புகார் அளித்தனர். அதன்பேரில் போலீசார் வழக்குப்பதிவு செய்து தீவிர விசாரணை நடத்தினர்.

5 சிறுவர்கள் கைது

விசாரணையில், அதே பகுதியை சேர்ந்த 15 வயது முதல் 16 வயதுடைய 5 சிறுவர்கள் அடிக்கடி சிறுமியின் வீட்டு அருகில் விளையாட வந்து சென்றுள்ளனர். இதனால் அவர்கள், சிறுமியின் பெற்றோருடன் நட்பாக பழகி வந்துள்ளனர். இதை தங்களுக்கு சாதகமாக பயன்படுத்திக்கொண்ட 5 சிறுவர்களும் பெற்றோர்கள் இல்லாத சமயத்தில் வீடு புகுந்து சிறுமியை கூட்டு பலாத்காரம் செய்தது தெரியவந்தது.

இதையடுத்து 5 சிறுவர்களையும் போலீசார் கைது செய்தனர். பின்னர் 5 பேரும் சிறுவர் சீர்த்திருத்த பள்ளியில் அடைக்கப்பட்டனர். இந்த சம்பவம் அப்பகுதியில் பெரும் பரபரப்பையும், அதிர்ச்சியையும் ஏற்படுத்தியுள்ளது.