அதிகாலையில் 4½ மணி நேரம் மின்தடை

வத்திராயிருப்பில் துணை மின் நிலையம் மகாராஜபுரம் செல்லும் சாலையில் ஆகாசம்பட்டி பகுதியில் அமைந்துள்ளது. இந்த வத்திராயிருப்பு துணை மின் நிலையத்தில் இருந்து வ.புதுப்பட்டி, அர்ச்சுனாபுரம், வத்திராயிருப்பு நகர் முழுவதும் மின்வினியோகம் செய்யப்படுகிறது.

இந்த பகுதிகளில் நேற்று அதிகாலை 3 மணி முதல் காலை 7.30 மணி வரை திடீரென மின்தடை செய்யப்பட்டது. இதனால் குழந்தைகள், முதியவர்கள் உள்பட அனைவரும் பெரிதும் சிரமப்பட்டனர்.

தற்காலிக ஊழியர்கள்

இதுகுறித்து மின்வாரிய உயர் அதிகாரி ஒருவர் கூறியதாவது:-

தமிழகம் முழுவதும் அனைத்து தொழிற்சங்கங்கள் இணைந்து வேலை நிறுத்த போராட்டத்தில் ஈடுபட்டு உள்ளனர். இதனால் அர்ச்சுனாபுரம் செல்லும் மின் வழிப்பாதையில் பழுது ஏற்பட்டதாகவும், மின்வாரிய ஊழியர்கள் இல்லாததால் தற்காலிக ஊழியர்களை கொண்டு பழுது நீக்குவதில் கால தாமதம் ஏற்பட்டது. ஆதலால் அதிகாலையில் 4 மணி நேரம் தடை ஏற்பட்டது.

இவ்வாறு அவர் கூறினார்.