ஓட்டல்கள், தனியார் ஆஸ்பத்திரிகள், கல்யாண மண்டபங்கள், பல்வேறு கடைகள் என சொத்துவரி நிலுவையில் உள்ள நிறுவனங்களுக்கு எச்சரிக்கை நோட்டீஸ் வழங்கினர். மேலும் அந்த நிறுவனங்கள் முன்பாக வரி நிலுவையில் இருப்பதை குறிப்பிடும் வகையில் பேனர்கள் ஒட்டப்பட்டன. குறிப்பிட்ட காலக்கெடுவுக்குள் சொத்து வரி செலுத்தாத பட்சத்தில் இந்த நிறுவனங்கள் மூடப்பட்டு சீல் வைக்கப்படும் என அதிகாரிகள் தெரிவித்தனர்.இதுகுறித்து அதிகாரிகள் கூறுகையில், முதல் கட்டமாக சொத்து வரி செலுத்தாத நிறுவனங்களுக்கு எச்சரிக்கை விடப்பட்டுள்ளது. இதையும் உதாசீனப்படுத்தி சொத்து வரி செலுத்தாத பட்சத்தில் அந்த நிறுவனங்கள் மூடப்படும். இன்னும் பல பகுதிகளில் ஆய்வு மேற்கொள்ளப்பட உள்ளது என்றனர்.