கல்வராயன்மலையில் கடந்த 30 ஆண்டுகளுக்கு முன்பு வாழ்ந்த இந்து மலைக்குறவர் இனத்தை சேர்ந்த பொதுமக்கள் இடம்பெயர்ந்து தற்போது சின்னசேலம், சங்கராபுரம் ஆகிய பகுதிகளில் வசித்து வருகின்றனர். இவர்களுக்கு கடந்த பல ஆண்டுகளாக சாதிச்சான்றிதழ் வழங்கப்படவில்லை என கூறப்படுகிறது.

இதனால் சாதிச்சான்றிதழ் கேட்டு வருவாய்துறை அதிகாரிகளிடம் பலமுறை விண்ணப்பங்கள் கொடுத்தும், இதுவரை அதிகாரிகள் சாதிச்சான்றிதழ் வழங்கவில்லை. இதன் காரணமாக மலைக்குறவர் இனத்தை சேர்ந்த மக்களின் குழந்தைகள் மேற்படிப்பை தொடர முடியாமல் பாதிக்கப்படுகின்றனர். மேலும் அரசு உதவித்தொகை மற்றும் வேலை வாய்ப்பு கேட்டு விண்ணப்பிக்க முடியாமலும் சிரமப்படுகின்றனர்.