கோவிலில் பல்வேறு பகுதியில் சிதிலமடைந்து குறிப்பாக 5 நிலைகள் கொண்ட ராஜகோபுரம் மற்றும் அதில் உள்ள சிற்பங்கள் பழுதடைந்து உள்ளது. இதனை பழுதுபார்த்து புதுப்பிக்க அப்பகுதி பொதுமக்கள் கோரிக்கை வைத்தார்கள். இந்த கோரிக்கையானது முதல்-அமைச்சரின் கவனத்திற்கு கொண்டு செல்லப்பட்டது.

அதனை பரிசீலனை செய்த முதல்-அமைச்சர், இந்து சமய அறநிலையத்துறை மூலம் இக்கோவிலில் 5 நிலை ராஜகோபுரத்தை பழுதுபார்த்து புதுப்பிக்க ரூ.97.50 லட்சம் நிதி ஒதுக்கீடு செய்துள்ளார். மேலும் தொன்மை மாறாமல் புதுப்பிக்கும் பணிகளை மேற்கொள்ளவும் உத்தரவிட்டார். இதற்காக முதல்-அமைச்சர், இந்து சமய அறநிலையத்துறை அமைச்சர் ஆகியோருக்கு தூத்துக்குடி மாவட்ட மக்களின் சார்பாகவும், பக்தர்கள் மற்றும் அர்ச்சகர்கள் சார்பாகவும் நன்றியை தெரிவித்துக் கொள்கிறேன்.

இவ்வாறு அதில் கூறப்பட்டுள்ளது.