ராகுல்காந்தியை அவதூறாக பேசியதாக கூறி ராஜேந்திர பாலாஜியை கண்டித்து காங்கிரஸ் கட்சியினர் ஆர்ப்பாட்டம்

தமிழக பால்வளத்துறை அமைச்சர் கே.டி.ராஜேந்திரபாலாஜி சமீபத்தில் ராகுல்காந்தி மற்றும் காங்கிரஸ் கட்சி குறித்த கேள்விகளுக்கு பதில் அளித்திருந்தார். அவர் ராகுல்காந்தியையும் கட்சியையும் அவதூறாக பேசியதாக கூறி அதனை கண்டித்து திருப்பத்தூர் பஸ் நிலையம் அருகே காங்கிரஸ் கட்சியினர் ஆர்ப்பாட்டத்தில் ஈடுபட்டனர். ராஜீவ்காந்தி சிலை முன் நடந்த ஆர்ப்பாட்டத்திற்கு மாவட்ட தலைவர் ச.பிரபு தலைமை தாங்கினார். நகர தலைவர் கிஷோர்பிரசாத் வரவேற்றார். ஆர்ப்பாட்டத்தை மாநில மகளிர் காங்கிரஸ் செயலாளர் வக்கீல் சுதா தொடங்கி வைத்தார்.