வேதாரண்யத்தில் வேதாரண்யேஸ்வரர் கோவில் உள்ளது. பழமையான இ்ந்த கோவிலுக்கு சொந்தமாக 10 ஆயிரம் ஏக்கர் நிலங்கள் உள்ளன. இதில் திருத்துறைப்பூண்டி அருகே குன்னலூர் கிராமத்தில் 200 ஏக்கர் கோவில் நிலம் உள்ளது. இந்த நிலங்களில் இருந்து விவசாயிகள் சாகுபடி செய்து வருகின்றனர்.

ஆண்டுதோறும் இங்கு விளையும் நெல்லை தைப்பூசம் அன்று நெல் கோட்டையாக கட்டி கொண்டு வந்து வேதாரண்யேஸ்வருக்கு அளிக்கும் நிகழ்ச்சி நடைபெற்று வருகிறது. அதன்படி நேற்று தைப்பூசத்தையொட்டி விவசாயிகள் நெல்லை அறுவடை செய்து அதனை கோட்டையாக கட்டி வேதாரண்யம் கொண்டு வந்தனர்.