ஐரோப்பிய ஒன்றியத்திலிருந்து பிரிட்டன் வெளியேற வேண்டுமென்றால் முதலில் 100 பில்லியன் டாலர்களை செலுத்த வேண்டும். இதை பேச்சுவார்த்தை துவங்கும் முன்னரே செலுத்த வேண்டும் என்று பிரஞ்சு பொருளாதார அமைச்சர் லீ மெயர் தெரிவித்துள்ளார்.

ஐரோப்பிய ஒன்றியத்தின் பட்ஜெட்டிற்கு கொடுப்பதாக பிரிட்டன் ஒப்புக்கொண்டுள்ளபடி இப்பணத்தை கொடுக்க வேண்டும். இப்பணத்தைப் பற்றி பேரம் எதையும் பேச முடியாது. பிரிட்டன் வெளியேறும் பேச்சுவார்த்தை துவக்கும் முன்னரே இதைச் செலுத்த வேண்டும் என்றார் மெய்ரே. இதன் அளவு 115 பில்லியன் டாலர்கள் (100 பில்லியன் யூரோக்கள்) அளவிற்கு இருக்கலாம் என்றார் மெய்ரே.