இந்த விபத்தில் வேல்முருகன், திவ்யபிரியா ஆகிய 2 பேரும் சம்பவ இடத்திலேயே உடல் நசுங்கி பலியாகினர். இதை பார்த்து அதிர்ச்சி அடைந்த அப்பகுதி மக்கள் ஒன்று திரண்டு வந்தனர். பின்னர் அவர்கள் விபத்து பற்றி போலீசாருக்கு தகவல் தெரிவித்தனர்.

அதன் பேரில் வேப்பூர் போலீசார் சம்பவ இடத்துக்கு விரைந்து வந்து, பலியான வேல்முருகன், திவ்யபிரியா ஆகியோரது உடல்களை பார்வையிட்டு அங்கிருந்தவர்களிடம் விசாரணை நடத்தினர். இதற்கிடையே இதுபற்றி அறிந்த வேல்முருகன் குடும்பத்தினர் மற்றும் உறவினர்கள் விரைந்து வந்து, பலியான 2 பேரின் உடல்களையும் பார்த்து கதறி அழுதது காண்போரின் நெஞ்சை கரைய வைப்பதாக இருந்தது.

இதையடுத்து போலீசார் பலியான 2 பேரின் உடல்களை கைப்பற்றி பிரேத பரிசோதனைக்காக விருத்தாசலம் அரசு மருத்துவமனைக்கு அனுப்பி வைத்தனர். தொடர்ந்து இதுகுறித்த புகாரின் பேரில் வேப்பூர் போலீசார் வழக்குப்பதிவு செய்து, விபத்தை ஏற்படுத்தி விட்டு நிற்காமல் சென்ற சரக்கு வாகன டிரைவரை வலைவீசி தேடி வருகின்றனர்.

மோட்டார் சைக்கிள் மீது சரக்கு வாகனம் மோதியதில் தந்தை-மகள் உயிரிழந்த சம்பவம் அந்த பகுதியில் பெரும் சோகத்தை ஏற்படுத்தி உள்ளது.