இதனால் எந்த ஆண்டும் இல்லாத அளவுக்கு தற்போது உணவு பொருள் சேமிப்பு கிடங்கில் இருந்து அருகில் உள்ள பட்டாபிராம், பாரதி நகர், திருவள்ளுவர் நகர், சத்திரம் பகுதி, கக்கன்ஜி நகர், தீனதயாள் நகர், அண்ணா நகர், ராஜீவ்காந்தி நகர் உள்ளிட்ட பகுதிகளில் உள்ள வீடுகளுக்குள் வண்டுகள் படையெடுத்து வருகின்றன. இந்த வண்டுகள் வீடுகளில் குடிநீர் சேமித்து வைக்கும் பாத்திரங்கள், அரிசி, சர்க்கரை உள்ளிட்ட உணவு பொருட்களிலும், சமைத்து வைத்திருக்கும் உணவிலும் விழுந்து விடுகின்றன.

தற்போது ஊரடங்கு கட்டுப்பாடுகள் கடுமையாக்கப்பட்டு உள்ளதால் இந்த வண்டுகளால் இப்பகுதியில் வசிக்கும் 7 ஆயிரத்துக்கும் மேற்பட்ட பொதுமக்கள் வீடுகளுக்குள் இருக்க முடியாமலும், வீடுகளை வீட்டு வெளியேற முடியாமலும் அவதிப்பட்டு வருகின்றனர். இதற்கு உணவுபொருள் சேமிப்பு கழக அதிகாரிகள் உடனடி நடவடிக்கை எடுக்கவேண்டும் என அந்த பகுதி பொதுமக்கள் கோரிக்கை விடுத்துள்ளனர்.