புதுக்கோட்டை திருக்கோகர்ணத்தில் கி.பி. 8-ம் நூற்றாண்டை சேர்ந்த பிரகதாம்பாள் உடனுறை திருக்கோகர்ணேஸ்வரர் கோவில் உள்ளது. இந்த கோவில் புதுக்கோட்டை திருக்கோவில்களை சேர்ந்தது ஆகும். இந்த கோவிலில் ஒவ்வொரு ஆண்டும் ஆடித்திருவிழா கொடியேற்றத்துடன் தொடங்கி நடைபெறுவது வழக்கம். அதன்படி இந்த ஆண்டு திருவிழா கடந்த 25-ந் தேதி காலை கொடியேற்றத்துடன் தொடங்கியது.

விழா நாட்களில் தினமும் அம்மனுக்கு சிறப்பு அபிஷேக, ஆராதனைகள் நடத்தப்பட்டு, பல்வேறு வாகனங்களில் அம்மன் வீதி உலா நடைபெற்றது. இதேபோல் மண்டகப்படிதாரர்களின் மண்டகப்படி நிகழ்ச்சியும் நடைபெற்று வந்தது.