மேலும் காரில் இருந்த 3 பேரிடம் போலீசார் விசாரணை நடத்தியதில் அவர்கள் முன்னுக்குப்பின் முரணாக பதில் அளித்தனர். இதனால் அவர்கள் 3 பேரையும் போலீஸ் நிலையத்திற்கு அழைத்துச்சென்று அவர்களிடம் துருவி, துருவி விசாரணை நடத்தினர்.

விசாரணையில் அவர்கள் 3 பேரும் கூனிமேட்டை சேர்ந்த அரிகிருஷ்ணன் மகன் மாரிமுத்து (வயது 26), அதே பகுதியை சேர்ந்த பிளஸ்-1 மாணவர் மற்றும் அரியூரை சேர்ந்த ராஜேந்திரன் மகன் ராஜசேகர் (22) என்பதும் கூனிமேடு அரசு மேல்நிலைப்பள்ளி, ஆரம்ப பள்ளி, சிறு தொழில் நிறுவனங்கள், தேவாலயம், வீடுகள் உள்ளிட்ட இடங்களில் ரூ.5 லட்சம் மதிப்புள்ள பொருட்களை திருடி அதே பகுதியில் உள்ள தென்னந்தோப்பு கொட்டகையில் மறைத்து வைத்திருந்ததை ஒப்புக்கொண்டனர்.

இதையடுத்து மாரிமுத்து உள்ளிட்ட 3 பேரையும் போலீசார் கைது செய்து அவர்களிடமிருந்த டி.வி., குளிரூட்டும் பெட்டி, கணினி உள்ளிட்ட பல்வேறு பொருட்களையும், திருடிய பொருட்களை ஏற்றிச்செல்ல பயன்படுத்திய சரக்கு வாகனம், கார் ஆகியவற்றையும் பறிமுதல் செய்தனர்.