அணைக்கட்டு தாலுகா பொய்கையை அடுத்த ராமாபுரம் கிராமத்தில் நல்லதாயம்மன்கோவில் திருவிழாவை முன்னிட்டு 59-ம் ஆண்டாக நேற்று காளைவிடும் விழா நடந்தது. இதில் பங்கேற்பதற்காக ஆந்திர மாநிலத்திலிருந்தும், வாணியம்பாடி, குடியாத்தம், ஒடுகத்தூர், பள்ளிகொண்டா மற்றும் சுற்றுப்புற கிராமங்களில் இருந்தும் 196 காளைகள் கொண்டு வரப்பட்டிருந்தன. காளைவிடும் விழாவை காண ஆயிரக்கணக்கான பொதுமக்கள், இளைஞர்கள் அங்குள்ள கோவில் மீதும் வீடுகளின் மாடிகள் மீதும் அமர்ந்து சீறிப்பாயந்து ஓடும் காளைகளை ரசித்தனர்.

காளைகளை கால்நடை மருத்துவர் சுபத்திரா பரிசோதனை செய்தார். அதன்பின்னர் அவை களம் இறக்கப்பட்டன. விழாவை உதவி ஆணையர் பூங்கொடி (கலால்) அனுமதியுடன் சமூக பாதுகாப்பு திட்ட தாசில்தார் கீதா, துணை தாசில்தார் விஜயகுமார் ஆகியோர் கொடியசைத்து தொடங்கி வைத்தனர்.