உத்தரபிரதேசத்தின் மதுராவில் 108 ஆம்புலன்ஸ் டிரைவராக பணியாற்றி வருபவர் பிரபாத் யாதவ் (வயது 33). கொரோனா நோயாளிகளை வீடுகளில் இருந்து அழைத்து வந்து ஆஸ்பத்திரிகளில் அனுமதிப்பது இவரது பணி.

இந்த நிலையில் பிரபாத் இரவு பணியில் இருந்தபோது, சொந்த கிராமத்தில் இருந்த அவரது தாயார் மரணம் அடைந்தார். இதுகுறித்து அவருக்கு தகவல் தெரிவிக்கப்பட்டது. எனினும் அழைப்புகள் வந்துகொண்டே இருந்த அந்த பரபரப்பான இரவில் பிரபாத், பணியிலிருந்து பாதியில் செல்லவில்லை.