ரெயில்வே வாரியம் குரூப் சி பிரிவில் தொழில்நுட்பம் மற்றும் உதவி ரெயில் பைலட் பணிக்கு 17 ஆயிரத்து 849 பேர், பல்வேறு தொழில்நுட்ப பணிக்கு 9 ஆயிரத்து 170 பேர், குரூப் டி பிரிவில் 62 ஆயிரத்து 907 பேர் மற்றும் பாதுகாப்பு படை பிரிவுக்கு 9 ஆயிரத்து 500 பேர் என சுமார் 1 லட்சம் காலி பணியிடங்களுக்கு ஆட்களை தேர்வு செய்வதற்கான அறிவிப்பை வெளியிட்டது.

இதுவரை இந்த பணியிடங்களுக்கு 2 கோடிக்கும் மேல் விண்ணப்பங்கள் வந்துள்ளன. உதவி பைலட் பணிக்கு மட்டும் 50 லட்சத்துக்கும் அதிகமானோர் விண்ணப்பம் செய்துள்ளனர். இதற்கு விண்ணப்பிக்க இன்னும் 4 நாட்கள் உள்ள நிலையில் விண்ணப்பங்களின் எண்ணிக்கை மேலும் அதிகரிக்கும் என எதிர்பார்க்கப்படுகிறது என்று ரெயில்வே வெளியிட்டுள்ள செய்திக்குறிப்பில் தெரிவித்து உள்ளது.நாடு முழுவதும் இந்த தேர்வுகளுக்கான வினாத்தாள்கள் தமிழ், ஆங்கிலம், இந்தி உள்பட 15 மொழிகளில் அச்சிடப்படுகின்றன என்பது குறிப்பிடத்தக்கது.