ஆக்ரா,

ஆக்ரா நகரில் அமைந்துள்ள தாஜ்மஹால் மொகலாய மன்னர் ஷாஜஹானால், அவரது மனைவி மும்தாஜின் நினைவாக 17-ம் நூற்றாண்டில் யமுனை ஆற்றங்கரையில் உருவாக்கப்பட்டதாகும். ஷாஜஹானின் பிறந்தநாளையொட்டி ஆண்டுதோறும் 'உருஸ் விழா' நடைபெற்று வருகிறது.

இந்நிலையில், ஷாஜஹானின் 319-வது பிறந்தநாளையொட்டி வழக்கம்போல் இந்த ஆண்டும் அவரது சமாதியில் 3 நாட்கள் 'உருஸ் விழா' கொண்டாட ஏற்பாடுகள் நடைபெற்று வருகின்றன.

இதற்காக வரும் ஏப்ரல் மாதம் 2, 3 தேதிகளில் பிற்பகல் 2 மணிமுதல் மாலை 6 மணிவரையிலும், 4-ந் தேதி நாள் முழுவதும் பொதுமக்கள் தாஜ்மஹாலை இலவசமாக சுற்றிப்பார்க்க ஆக்ரா மாவட்ட நிர்வாகம் அனுமதி வழங்கியுள்ளது.