அதிவேக இணையதள வசதியை கொடுக்கும் 5ஜி அலைக்கற்றை விற்பனைக்கான ஏலம் கடந்த 26-ந் தேதி முதல் நடந்து வருகிறது. ரிலையன்ஸ் ஜியோ, பாரதி ஏர்டெல், வோடபோன்-ஐடியா மற்றும் அதானி குழுமம் என 4 நிறுவனங்கள் இந்த ஏலத்தில் பங்கெடுத்து தொடர்ந்து அலைக்கற்றையை சொந்தமாக்கி வருகின்றன.

இதில் 6-வது நாளாக நேற்றும் 7 சுற்று ஏலம் நடந்தது. இதில் ரூ.163 கோடிக்கு அலைவரிசை ஏலம் போனது. இதன் மூலம் கடந்த 6 நாட்களாக நடந்த 5ஜி ஏலத்தில் ரூ.1,50,130 கோடிக்கு அலைக்கற்றை விற்பனை நடந்து உள்ளது.