உத்தரபிரதேசத்தில் மாயாவதியின் பகுஜன் சமாஜ் கட்சியை சேர்ந்த 6 எம்.எல்.ஏ.க்கள் நேற்று அகிலேஷ் யாதவ் முன்னிலையில் சமாஜ்வாடியில் இணைந்தனர். இவர்கள் 6 பேரும் கடந்த ஆண்டு மாநிலங்களவை தேர்தலில் பகுஜன் சமாஜ் வேட்பாளரை எதிர்த்ததால் கட்சியில் இருந்து இடைநீக்கம் செய்யப்பட்டிருந்தனர்.

இதைப்போல சீதாபூர் தொகுதி பா.ஜனதா எம்.எல்.ஏ. ராகேஷ் ரத்தோரும் அகிலேஷ் யாதவ் முன்னிலையில், தன்னை சமாஜ்வாடியில் இணைத்துக்கொண்டார். இவரும் ஏற்கனவே கட்சித்தலைமையையும், பிரதமர் மோடியையும் விமர்சித்ததால் பா.ஜனதாவில் ஓரங்கட்டப்பட்டு இருந்தார்.