மராட்டிய மாநிலம் புனேவில் கடந்த ஜூன் மாதம் முதல் இதுவரை 66 பேருக்கு ஜிகா வைரஸ் பாதிப்பு உறுதி செய்யப்பட்டுள்ளதாகவும், அதில் 68 முதல் 78 வயது வரையிலான 4 பேர் உயிரிழந்துள்ளதாகவும் புனே மாநகராட்சி நிர்வாகம் தெரிவித்துள்ளது.

இருப்பினும் உயிரிழந்தவர்கள் 4 பேருக்கும் ஏற்கனவே சில உடல்நல பாதிப்புகள் இருந்ததாக தெரிவித்துள்ள மாநகராட்சி அதிகாரிகள், ஜிகா வைரஸ் பாதிப்பால் அவர்கள் உயிரிழந்ததாக உறுதி செய்யப்படவில்லை என தெரிவித்துள்ளனர்.