துகின் படிப்பில் தீவிர ஆர்வம் கொண்டவன். 9-ம் வகுப்பு வரையில் 90%க்கும் அதிகமான மதிப்பெண்கள் எடுப்பான். இப்போது 95%-க்கு அதிகமான மதிப்பெண்கள் எதிர்பார்த்தோம். அவனது உடல் நிலை இயலாமை காரணமாக சிறப்பு துறைகளில் கவனம் செலுத்த முடியவில்லை, எனவே பள்ளியில் இருந்து செயல்திறன் மதிப்பீடு குறைத்து அனுப்பியிருக்கலாம், என கூறிஉள்ளார்.

துகின் பள்ளி செல்வதும் எளிதான காரியம் கிடையாது. சுமார் 14 கிலோ மீட்டர் தொலைவு உள்ள பள்ளிக்கு தினவும் அவருடைய பெற்றோர் அழைத்து செல்கின்றனர். 10-ம் வகுப்பு பொதுத் தேர்வையும் துகின் யாருடைய உதவியும் இன்றி தானாகவே எழுதிஉள்ளார்.

ராஜஸ்தான் மாநிலம் கோடாவில் ஐ.ஐ.டி. நுழைவுத் தேர்வுக்கு பயிற்சி வழங்கும் நிறுவனம் துகினுடைய சிறப்பு திறமையை இருமுறை கவுரவித்து உள்ளது. 2012-ம் ஆண்டு துகின் சிறந்த கிரியேட்டிவ் குழந்தைகளுக்கான விருதை ஜனாதிபதி பிரணாப் முகர்ஜியிடம் பெற்றார். 1999ம் ஆண்டு துகின் பிறந்ததில் இருந்து அவருக்கு 20க்கும் அதிகமான அறுவை சிகிச்சை செய்யப்பட்டு உள்ளது. ஆனால் அவருடைய படிப்பை பாதிக்கவில்லை என்று கூறிஉள்ளார் சுஜாதா. சுஜாதா துகினை கவனித்துக் கொள்ள மத்திய அரசு பணியில் இருந்து விலகி உள்ளார். அவருடைய தந்தை ரியல் எஸ்டேட் தொழில் ஈடுபட்டு உள்ளார். இருவரும் மகனின் படிப்புக்காக கோடாவில் தங்க உள்ளனர்.

கேட்டாவில் உள்ள ஆலன் கேரியர் நிறுவனம் துகினுக்கு பயிற்சி கட்டணமான ரூ. 1.18 லட்சத்தை தள்ளுபடி செய்துள்ளது.