இந்த மேல்முறையீட்டு மனுக்களை விரைந்து விசாரிக்க வேண்டும் என்று சி.பி.ஐ. மற்றும் அமலாக்கப்பிரிவு தரப்பில் டெல்லி ஐகோர்ட்டில் மனுக்கள் தாக்கல் செய்யப்பட்டன. இந்த மனுக்களை நீதிபதி பிரிஜேஷ் சேத்தி, காணொலி மூலம் விசாரணை நடத்தினார். இந்த மனுக்கள் மீது அனைத்து தரப்பு வாதங்களும் முடிவடைந்த நிலையில் கடந்த 22-ந்தேதி தீர்ப்பை தேதி குறிப்பிடாமல் ஒத்திவைத்தார்.

இந்த நிலையில் நேற்று இந்த மனுக்கள் நீதிபதி பிரிஜேஷ் சேத்தி காணொலி வழியாக தீர்ப்பு வழங்கினார். அத்தீர்ப்பில் சி.பி.ஐ மற்றும் அமலாக்கப்பிரிவு ஆகியோரின் மேல்முறையீட்டு மனுக்களை விரைந்து விசாரிக்குமாறு தாக்கல் செய்யப்பட்டுள்ள மனுக்களில் உள்ள கோரிக்கை ஏற்கப்படுவதாகவும், 2ஜி விவகாரத்தில் மேல்முறையீட்டு வழக்கை அடுத்த மாதம் 5-ந்தேதியில் இருந்து தினசரி அடிப்படையில் விசாரிக்கப்படும் என்றும் கூறப்பட்டுள்ளது.

இந்த வழக்கை விசாரிக்கும் நீதிபதி பிரிஜேஷ் சேத்தி வருகிற நவம்பர் மாத இறுதியில் பணி ஓய்வு பெறுகிறார் என்பது குறிப்பிடத்தக்கது.