திருத்தம் செய்யப்பட்ட புதிய வேளாண் சட்டங்களை திரும்பப் பெற வலியுறுத்தி விவசாயிகள் டெல்லி எல்லையில் தொடர் போராட்டத்தில் ஈடுபட்டுள்ளனர். வேளாண் சட்டங்களை திரும்ப பெற்றால் மட்டுமே போராட்டம் கைவிடப்படும் என விவசாய சங்கங்கள் கூறி வருகின்றன. இந்த நிலையில், பாரதிய கிசான் யூனியன் தலைவர் ராகேஷ் திகாய்த் சிங்கு எல்லையில் விவசாயிகள் மத்தியில் பேசினார்.

அப்போது அவர் கூறுகையில், மத்தியில் ஆட்சி மாற்றத்தை நாம் நோக்கமாகக் கொண்டிருக்கவில்லை. அரசு அதன் பணியைச் செய்ய வேண்டும். வேளாண் சட்டங்களைத் திரும்பப் பெற வேண்டும், குறைந்தபட்ச ஆதார விலையை உறுதிப்படுத்த வேண்டும். அரசு பேச்சுவார்த்தையைத் தொடங்கும் வரை போராட்டங்கள் நீடிக்கும்.