இந்தோ-திபெத்திய எல்லை போலீஸ் படையின் 60-வது ஆண்டு விழாவையொட்டி, டெல்லி அருகே உள்ள நொய்டாவில் நேற்று இவர்களுக்கு இந்த பதக்கங்கள் வழங்கப்பட்டன.மத்திய உள்துறை இணை மந்திரி நித்யானந்த் ராய், 20 வீரர்களின் சீருடையில் பதக்கங்களை அணிவித்ததுடன், சான்றிதழ்களை வழங்கினர்.

பதக்கம் பெற்ற 20 பேரில், 8 பேர் கடந்த ஆண்டு ஜூன் 15-ந் தேதி, கல்வான் பள்ளத்தாக்கு பகுதியில் சீன படைகளுடன் மோதியவர்கள். 6 பேர் கடந்த ஆண்டு மே 18-ந் தேதி, 4-வது பிங்கர் பகுதியில் மோதியவர்கள். மீதி 6 பேர், அதே நாளில் ஹாட் ஸ்பிரிங் பகுதியில் போரிட்டவர்கள் ஆவர்.

18 மணி நேர சண்டை

மிகவும் மோசமான வானிலையில், காயங்களையும் பொருட்படுத்தாமல், சீன ராணுவத்தின் முன்னேற்றத்தை இவர்கள் தடுத்து நிறுத்தியதாகவும், 18 மணி நேரம் கூட சண்டையிட்டதாகவும் இந்தோ-திபெத்திய எல்லை போலீஸ் படை ஒரு அறிக்கையில் தெரிவித்துள்ளது.

சத்தீஷ்கரில் நக்சலைட்டுகளுக்கு எதிரான வேட்டையில் சிறப்பாக செயல்பட்ட 3 இந்தோ-திபெத்திய எல்லை போலீசாருக்கும் வீர தீர போலீஸ் பதக்கம் வழங்கப்பட்டது.