இந்தியாவில் பெரும் அச்சுறுத்தலாக உள்ள கொரோனா வைரஸ் பாதிப்பு புதுச்சேரியிலும் அதிகரித்து வருகிறது. இதுபற்றி புதுச்சேரி சுகாதார மற்றும் குடும்பநல சேவைகள் இயக்ககம் தெரிவித்துள்ள தகவலின்படி, கொரோனா பரிசோதனையில் 52 புதிய பாதிப்புகள் நேற்று உறுதி செய்யப்பட்டன. இதனால், புதுச்சேரியில் கொரோனா வைரசால் பாதிக்கப்பட்டோரின் மொத்த எண்ணிக்கை 338 ஆக உயர்ந்து இருந்தது. 131 பேர் குணமடைந்தும், 200 பேர் தொடர் சிகிச்சையிலும் இருந்தனர். புதுச்சேரியில் கொரோனா பாதிப்புக்கு பலி எண்ணிக்கை 7 ஆக இருந்தது.

இந்நிலையில், புதுச்சேரியில் உள்ள ஜிப்மர் மருத்துவமனையில் கிருமம்பாக்கம் கிராமத்தில் வசித்து வந்த 64 வயது முதியவர் ஒருவர் கொரோனா பாதிப்புக்கு சிகிச்சை பெற்று வந்துள்ளார்.