பாலியல் பலாத்கார வழக்கில் தண்டனை பெற்று சாமியார் குர்மீத் சிங் சிறையில் அடைக்கப்பட்ட பின்னர் செய்தியாளர்களிடம் பேசிய ஹன்ஸ்ராஜ் நடந்த சம்பவங்களை விளக்கினார். தன்னுடைய பெற்றோர் சாமியார் குர்மீத் சிங்கை பின்தொடர்பவர்கள், அதனால் தன்னை அங்கு சேர்த்ததாக குறிப்பிட்ட ஹன்ஸ்ராஜ் பாபா (குர்மீத் ராம் ரகீம் சிங்) என்னை நெருங்க விருப்பம் உடையவர்கள் எதையாவது எனக்காக தியாகம் செய்ய வேண்டும் என எப்போதும் கூறுவார், ஆனால் எனக்கு தெரியாது அது ஆண்மை நீக்கம் என்று. என குறிப்பிட்டார்.

ஆசிரமத்தில் சேர்ந்த போது என்னுடைய பதின்மை வயதில் இசையின் மீது மிகவும் நாட்டம் இருந்தது. அதனால் தேராவில் இசை தொடர்பான துறையில் சேர்ந்தேன். அப்போது இசை உபகரணங்களை பயன்படுத்துவது மற்றும் பாடுவதை கற்றுக் கொண்டேன். 1999-ல் தேராவில் குதிரைகளுக்கு ஆண்மை நீக்கம் செய்யப்பட்டது எங்களுக்கு தெரியவந்தது, அந்த குதிரை மூன்று மாதங்களில் உயிரிழந்துவிட்டது, அப்போதுதான் அதனுடைய வீரியம் எங்களுக்கு தெரியவந்தது. பின்னர் அந்த சோதனையானது மனிதர்களிடம் பிரயோகப்படுத்தப்பட்டது.

தேராவின் மூத்த அதிகாரிகள் இந்த ஆப்ரேஷனுக்கு அனுமதிக்கப்பட்டனர். பின்னர் என்னையும், என்னுடன் இருந்த சீடர்கள் 18-20 பேரையும் (மைனர்கள் உள்பட) ஆண்மை நீக்க ஆப்ரேஷன் செய்துக் கொள்ள கேட்டுக் கொள்ளப்பட்டது. அப்போது எங்களிடம் சிறிய உடல் பரிசோதனையே என தெரிவிக்கப்பட்டது. இப்போது வரையில் நான் என்னுடைய இயற்கையான வாழ்க்கையை வாழவில்லை என்றார் ஹன்ஸ்ராஜ் .

எனக்கு ஆண்மை நீக்கம் செய்யப்பட்ட போது வயது 20. 2002 அக்டோபர் மாதம் இரவு எங்களுக்கு ஆண்மை நீக்கம் செய்வதற்கான ஆப்ரேஷன் நடந்தது. ராஜஸ்தான் மாநிலம் ஸ்ரீகங்காநகரில் உள்ள தேரா மருத்துவமனையில்தான் இந்த ஆப்ரேஷன் நடந்தது. இதனையடுத்து எனக்கு பக்க விளைவுகள் ஏற்பட்டது உடனடியாக வீட்டிற்கு அனுப்பி வைக்கப்பட்டேன். பின்னரும் தேராவின் ஆதரவாளர்கள் என்னை அங்கு இழுத்து செல்ல முயற்சி செய்தார்கள், ஆனால் நான் திரும்பவில்லை என கூறிஉள்ளார் ஹன்ஸ்ராஜ்.