தாத்ராநகர் ஹவேலி தாமன் பகுதியில் நேற்று பா.ஜனதா கட்சியின் மகளிர் அணியின் சார்பாக பொதுக்கூட்டம் நடந்தது. இந்த கூட்டத்தில் தமிழக பா.ஜனதா எம்.எல்.ஏ.வும், தேசிய மகளிர் அணி தலைவருமான வானதி சீனிவாசன் கலந்து கொண்டார்.

அவரை தாத்ராநகர் ஹைவேலி தொகுதி மகளிர் அணி தலைவர்களான பென் கட்டேலா, விஜயா, தீபேஷ் தந்தேல் ஆகியோர் மலர்கொத்து கொடுத்து வரவேற்றனர். கூட்டத்தில் கட்சியின் வழிகாட்டுதலின் படி மேற்கொள்ளப்படும் நடவடிக்கைகள் குறித்து ஆலோசனை நடத்தப்பட்டது. இந்த கூட்டத்தில் மாவட்ட மகளிர் அணியினர், பஞ்சாயத்து பெண் உறுப்பினர்கள், நகராட்சி பெண் கவுன்சிலர்கள் கலந்து கொண்டனர்.