மும்பை புறநகர் பகுதியில் 2,342 ரெயில்கள் இயக்கப்படுகிறது, நாளொன்றுக்கு 7.5 மில்லியன் மக்கள் பயணம் செய்கிறார்கள். முதல் முறையாக ரெயில்வே நெட்வோர்க் அங்கு விரிவுப்படுத்தப்படுகிறது.

இவ்வருடத்தில் தேர்தலை சந்திக்க உள்ள கர்நாடக மாநில தலைநகர் பெங்களூருவின் புறநகர் ரெயில் நெட்வோர்க்கிற்கு ரூ. 17000 கோடி ஒதுக்கப்பட்டு உள்ளது. மாநில அமைச்சரவை பெங்களூரு புறநகர் ரெயில்வே திட்டத்தின் முதல்கட்ட பணியை அடுத்த மூன்று ஆண்டுகளில் முடிக்க ஒப்புதல் வழங்கியதை அடுத்து ரெயில் சேவை விரிவாக்கத்திற்கு ஜெட்லில் ரூ. 17 ஆயிரம் கோடியை ஒதுக்கி உள்ளார். இத்திட்டமானது கர்நாடக மாநில அரசு மற்றும் இந்திய ரெயில்வே இணைந்து முன்னெடுக்கப்படுகிறது. மொத்த செலவில் 20 சதவிதமான 349 கோடியை கர்நாடக மாநில அரசு கொடுக்கும். பெங்களூரு பெருநகர வளர்ச்சியைப் பூர்த்தி செய்யயும் வகையில் ரூ. 17 ஆயிரம் கோடி செலவில் 160 கிலோ மீட்டர் தொலைவில் புறநகர் ரெயில் நெட்வோர்க்கிற்கு திட்டமிடப்பட்டு உள்ளது என ஜெட்லி குறிப்பிட்டு உள்ளார்.

பெங்களூரு நெட்வோர்க்கை சேர்ந்த ரெயில்வே அதிகாரி பேசுகையில் இப்போது 58 ரெயில்கள் 116 ரெயில்வே சேவையை வழங்கி வருகிறது. ஒவ்வொரு ரெயிலிலும் 1,800 முதல் 2000 வரையிலான பயணிகள் பயணம் செய்ய முடியும்.

பட்ஜெட்டில் ரெயில்வே தொடர்பாக தமிழகத்தில் எதிர்பார்க்கப்பட்டவை:-

மெட்ரோ ரெயில் இரண்டாவது கட்டத்துக்கான நிதி ஒதுக்கீடு.

சென்னை மற்றும் தூத்துக்குடி இடையே சரக்கு ரெயில் பாதை அமைப்பு.

சென்னை - மதுரை- கன்னியாகுமரி இடையேயும், மதுரை - கோவை இடையேயும் பயணிகள் ரெயில் திட்டம் ஆகிய திட்டங்கள் முக்கியமாக எதிர்பார்க்கப்பட்டது.