பிரதமர் மோடி தலைமையில் மத்திய மந்திரிசபை கூட்டம் நடைபெற்றது. அதில், மருத்துவம், சுகாதாரம் ஆகிய துறைகளில் இந்தியா-இஸ்ரேல் இடையே புரிந்துணர்வு ஒப்பந்தம் கையெழுத்திடுவதற்கு ஒப்புதல் அளிக்கப்பட்டது.

டாக்டர்கள் மற்றும் இதர மருத்துவ பணியாளர்களுக்கு பயிற்சி அளித்தல், அவர்களை பரிமாற்றம் செய்து கொள்ளுதல் ஆகியவற்றில் ஒத்துழைப்பு அளிப்பதற்கு இந்த ஒப்பந்தம் வகை செய்கிறது. மேலும் மருந்து பொருட்கள் ஒழுங்குபடுத்துவதில் ஒத்துழைப்பு தொடர்பாக இந்தியா-இங்கிலாந்து இடையே புரிந்துணர்வு ஒப்பந்தம் கையெழுத்திடுவதற்கு மத்திய மந்திரிசபை ஒப்புதல் அளித்தது.