கர்நாடகத்தில் 4 மாவட்டங்களை சேர்ந்த குருப சமூகத்தினர் பழங்குடியினர் பட்டியலில் சேர்க்கப்பட்டுள்ளனர். மீதமுள்ள குருப மக்களையும் அந்த பட்டியலில் சேர்க்க வேண்டும். இட ஒதுக்கீட்டு விஷயத்தில் முதல்-மந்திரி எடியூரப்பா கூறிய கருத்து, சரியானது. இட ஒதுக்கீடு நடைமுறை சட்டப்படி நடைபெற வேண்டும். நான் அரசுக்கு எந்த நெருக்கடியும் கொடுக்க மாட்டேன்.

மந்திரிசபையில் குருப சமூகத்திற்கு பழங்குடியினர் அந்தஸ்து வழங்க வேண்டும் என்று முடிவு எடுத்து மத்திய அரசுக்கு பரிந்துரை செய்யப்படும். இந்த கோரிக்கையை நிறைவேற்ற வலியுறுத்தி நாங்கள் தொடர்ந்து போராட்டம் நடத்துவோம். குருப சமூகத்தில் நிறைய ஏழைகள் உள்ளனர். அவர்களை மேலே கொண்டுவர வேண்டும் என்பது தான் எங்களின் நோக்கம்.

நமது உரிமை

குருப மக்களிடையே, விழிப்புணர்வு ஏற்படுத்த வேண்டும் என்ற நோக்கத்தில் மடாதிபதி பாதயாத்திரை மேற்கொண்டார். நமது உரிமையை அரசுக்கு தெரிவிக்க வேண்டும் என்ற நோக்கத்தில் இந்த மாநாடு நடத்தப்பட்டுள்ளது. மத்திய-மாநில அரசுகள் நமது கோரிக்கையை நிறைவேற்றும் என்ற நம்பிக்கை உள்ளது. 340 கிலோ மீட்டர் தூரம் பாதயாத்திரை மேற்கொள்ளப்பட்டது.

இவ்வாறு ஈசுவரப்பா பேசினார்.

இந்த மாநாட்டில் மாநிலம் முழுவதும் இருந்து லட்சக்கணக்கான குருப இன மக்கள் கலந்து கொண்டனர். பலர் தங்களின் பாரம்பரிய உடைகளில் வந்து பங்கேற்றது, அவர்ளின் கலாசாரத்தை வெளிப்படுத்துவதாக இருந்தது.