கர்நாடக முதல்-மந்திரி பசவராஜ் பொம்மை நேற்று முன்தினம் டெல்லி சென்று மத்திய ஜல்சக்தித்துறை மந்திரி கஜேந்திரசிங் ஷெகாவத்தை நேரில் சந்தித்து பேசினார். அப்போது மேகதாது திட்டம் குடிநீர், மின் உற்பத்தி ஆகிய நோக்கங்களுக்கு செயல்படுத்தப்படுவதால், உடனே அனுமதி வழங்க வேண்டும் என்றும், இதற்கு சட்ட ரீதியாக எந்த சிக்கலும் இல்லை என்றும் அவர் தெரிவித்தார்.

இந்த நிலையில் நேற்று மேகதாது திட்டம் குறித்து பசவராஜ் பொம்மை சட்ட நிபுணர்களுடன் டெல்லியில் ஆலோசனை நடத்தினார். மேகதாது திட்டம் தொடர்பாக தமிழக அரசு தொடர்ந்த வழக்கு சுப்ரீம் கோர்ட்டில் நிலுவையில் உள்ளது. அந்த மனு விசாரணைக்கு வரும்போது, மாநில அரசு அங்கு எடுத்து வைக்க வேண்டிய அம்சங்கள் குறித்து விவாதிக்கப்பட்டது.