சிபிஎஸ்இ பாடத்திட்டத்தில் பயிலும் 10 ஆம் வகுப்பு மாணவர்களுக்கான முதல் பருவத் தேர்வுகள் நாடு முழுவதும் உள்ள பல தேர்வு மையங்களில் கடந்த ஆண்டு நவம்பர் 30ஆம் தேதி முதல் டிசம்பர் 11 ஆம் தேதி வரை நடைபெற்றன. மேலும் 12ஆம் வகுப்பு முதல் பருவத் தேர்வுகள் டிசம்பர் 1ஆம் தேதி முதல் டிசம்பர் 22 ஆம் தேதி வரை பல்வேறு தேர்வு மையங்களில் நடைபெற்றன. இதனிடையே 10 மற்றும் 12ஆம் வகுப்பு மாணவர்களுக்கான இரண்டாம் பருவத் தேர்வு அட்டவணையை சிபிஎஸ்இ நேற்று வெளியிட்டிருந்தது.

இந்நிலையில், மத்திய இடைநிலைக் கல்வி வாரியம் (சிபிஎஸ்இ) பாடத்திட்டத்தில் பயிலும் 10-ஆம் வகுப்பு மாணவர்களுக்கான முதல் பருவத் தேர்வு முடிவுகள் இன்று வெளியிடப்பட்டுள்ளது.