ஐதராபாத்,

ஆந்திர சட்டசபை தேர்தலில் ஒய்.எஸ்.ஆர். காங்கிரஸ் அமோக வெற்றி பெற்றுள்ளது. இதையொட்டி, அக்கட்சியின் தலைவர் ஜெகன் மோகன் ரெட்டிக்கு தெலுங்கானா மாநில முதல்-மந்திரி சந்திரசேகர ராவ் தொலைபேசியில் தொடர்பு கொண்டு வாழ்த்து தெரிவித்தார். ரெட்டி தலைமையில் ஆந்திரா முன்னேற்றம் அடையும் என்றும், ஆந்திரா-தெலுங்கானா இடையிலான உறவு முன்னேற்றம் அடையும் என்றும் அவர் கூறினார்.

இதுபோல், நாடாளுமன்ற தேர்தல் வெற்றிக்காக பிரதமர் மோடிக்கு சந்திரசேகர ராவ் வாழ்த்து தெரிவித்துள்ளார். மோடி தலைமையில் நாடு முன்னேற்றம் அடைய விரும்புவதாக அவர் கூறியுள்ளார்.