இந்துக்களின் நான்கு புனித தளங்களான பத்ரிநாத், கேதர்நாத், கங்கோத்ரி மற்றும் யமுனோத்ரி ஆகிய தளங்களுக்குச் செல்லும் யாத்திரையானது 'சார் தாம்' யாத்திரை என்று அழைக்கப்படுகிறது. இந்த யாத்திரை பயணம் அட்சய திருதியையை முன்னிட்டு சனிக்கிழமை தொடங்கியது.

இந்த நிலையில் உத்தரகாண்ட் மாநிலம் யமுனோத்ரியில் சார் தாம் யாத்திரையின் போது இருவர் மாரடைப்பால் உயிரிழந்ததாக அதிகாரிகள் தெரிவித்துள்ளனர். யாத்திரைக்குச் செல்வதற்கு முன் யாத்ரீகர்கள் அவர்களின் உடல்நிலையை முழுமையாகப் பரிசோதிக்குமாறு அரசு அறிவுறுத்தியுள்ளது.