நாளை மாநில தேர்தல் ஆணையர்களுக்கான மாநாடு

புதுடெல்லி,

தமிழ்நாடு, மேற்கு வங்காளம் , அசாம், கேரளா உள்ளிட்ட மாநிலங்களில் சட்டசபை தேர்தல் நடைபெற உள்ளது. இதற்காக அரசியல் கட்சிகளும் மாநிலத் தேர்தலுக்காக தீவிரமாக தயாராகி வருகின்றன. அந்த வகையில், தேர்தல் முன்னெற்பாடுகள் குறித்து மாநில தேர்தல் ஆணையர்களுக்கு ஆலோசனை மற்றும் அறிவுரை வழங்க உள்ளது. அதற்காக மாநாடு ஒன்றை நடத்த திட்டமிட்டுள்ளது.

இந்தநிலையில், இந்திய தேர்தல் ஆணையம் சார்பில் மாநில தேர்தல் ஆணையர்களின் முக்கியமான மாநாடு நாளை நடைபெற உள்ளது. தலைமை தேர்தல் ஆணையர் ஞானேஷ் குமார் தலைமையில் நடைபெறும் இந்த கூட்டத்தில் நாடு முழுவதும் உள்ள அனைத்து மாநிலங்களின் மற்றும் யூனியன் பிரதேசங்களின் தேர்தல் ஆணையர்கள் பங்கேற்க உள்ளனர். மேலும், தேர்தல் தொடர்பான சட்ட நிபுணர்கள் மற்றும் தொழில்நுட்ப வல்லுநர்களும் இந்த மாநாட்டில் கலந்துகொள்கிறார்கள்.