இமாசல பிரதேசத்தில் கொரோனா தடுப்பு பணிகள் தீவிரப்படுத்தப்பட்டு வருகின்றன. இந்த சூழலில் பா.ஜனதா முதல்-மந்திரி ஜெய்ராம் தாக்குர் நேற்று முக கவசம் அணியாமல் சட்டசபை கூட்டத்துக்கு வந்தார். மேலும் சில உறுப்பினர்களும் முக கவசம் இன்றி கூட்டத்தில் பங்கேற்றனர்.

இதற்கு காங்கிரஸ் உறுப்பினர்கள் கடும் எதிர்ப்பு தெரிவித்தனர். அந்த கட்சியை சேர்ந்த ஹர்சவர்தன் சவுகான் எம்.எல்.ஏ. பேசும்போது, இதை சுட்டிக்காட்டியதுடன், கொரோனாவுக்கு எதிராக மாநில அரசு வகுத்துள்ள விதிமுறைகளின்படி, முக கவசம் அணியாத முதல்-மந்திரிக்கு ஏன் ரூ.5 ஆயிரம் அபராதம் விதிக்கக்கூடாது? என கேள்வி எழுப்பினார்.